今朝一早6點3, 很自然地醒左, 扭開收音機聽下903 "有誰共鳴", "係禾. 今日係音樂人伍仲衡 Harry 禾, 聽下先"

 

一來便是我很喜歡的歌:

 

譚詠麟 - 霧之戀  (可以話係我最喜愛Alan Tam既歌, 仲記得陳秀珠做女主角的MTV嗎?)

 

李克勤 - 藍月亮

 

杜麗莎 - 假如 (my favourite too, I love to sing it at karaoke!)

 

蘇永康 - ??? (歌名唔記得左.... 係陽光檸檬茶廣告主題曲: "如陽光, 你將痴心亮起, 我已鍾情於你, 那份愛灼熱我心內..." 如果無記錯, 廣告既男主角係鄭伊健, o個時覺得佢好靚仔o架!)

 

Wham! - Last Christmas (Harry 話這是聖誕舞會同band 友必定表演的歌, and of course, it's my favourite too!)

 

點解首首都係我鍾意既?  無他, 大家其實是同一年代既人, 係大學同學, 雖然不同科.  在Year 2 那年, 我有份搞既 Music Arena 歌唱比賽中, 我地首次加插了創作section, Harry 就係憑住自己作既一首 "情淵", 奪得冠軍, 後來他不斷努力參加其他創作比賽, 有一屆 CASH 仲嬴左冠軍添!

 

事隔多年, 而家佢已經係獨當一面既音樂人咯, 我想他也未必記得我喇, 不過很開心今天和他分享了大家都喜歡的歌曲!